dieta osaungarria

Zein irizpidek dute lehentasuna haurtzaroan eta nerabezaroan elikadura osasuntsua izateko?, Zer uste duzu gaur egun opilak, litxarreriak eta abar jateko dagoen ohituraren inguruan?, Zenbateraino izan daitezke haurraren organismoarentzako kaltegarri?Haurtzaroan elikadura osasuntsua izateko, familia nola elikatzen den ikusi behar da. Elikadura osagarria sartzeko arau orokor batzuk baldin badaude ere, horiek asko aldatzen dira aztertzen dugun geografiaren eta kulturaren arabera. 6 eta 18 hilabete artean, haurra soilik esnea hartzetik pertsona helduak jaten duen antzeko janaria jatera pasatzen da, gutxiago bada ere. Hasieran, familia guztiek nahiko ondo betetzen dituzte pediatrak asteko menua egiterakoan jarritako jarraibideak. Baina bularreko haurra familiako dieta hartzen hasten denean, dieta hori gurearen antzekoa izaten da. Familiaren dieta osasuntsua eta mota askotakoa bada, gure seme-alabena ere halakoa izango da. Ondorengo piramidean ikus dezakegu zer den dieta osasuntsua eta orekatua: